Våre honningprodukt:

Her viser litt av utvalet vårt.	Stell av bier på Tvilde, Voss vår/sommaren 2009

Lynghonning frå Sotra og Øygarden

Lynghonning er vår mest vanlege honning på Vestlandet er frå dei enno opne lyngheia ut mot havet. Desse vert stadig truga av attgroing p.g.a. mindre aktivt bruk med lyngbrenning og beiting av sau.

Heldigvis vert det sume stader framleis brent lyng slik at den vert fornya og dermed gjer meir honning.

Det spesielle med vår lynghonning er at den til vanleg også inneheld ein del honning frå klokke- og purpurlyng .

Riktig rørt er denne honningen finkrystallisert og passe smøremjuk med ein god kraftig lyngsmak.

Sumarhonning frå Voss

Honninghasusten frå Voss i år (2011) vart ganske skral, men den honningen me greide å hauste vart derimot ganske kvit og er truleg av rein villbringebær. Denne sel me berre i 250g glas.

Lindehonning frå Hardanger

Lindehonninga er frå dei viltveksande lindetrea som veks langs nordsida av Hardangerfjorden frå Ålvik til Folkedal i Granvin

Rik bløming og varmt opphaldsvær siste veka i juli gav i år (2011) oss ein svært einsarta kvalitet av denne spesielle honningen med karakteristisk smak av litt mint.

Flytande klokkelynghonning

I år (2011), vart det rik bløming på klokke og purpurlyngen som tidleg i juli før røsslyngen. Når me i tillegg fekk høg temperatur så kunne me hauste nokre kilo av den edle klokkelyng-honningen som me elles ikkje får kvart år.

Denne sel me flytande på 125g og 250g. glas og reknar med den er såpass rein at den held seg flytande ei god stund frametter hausten.  Honningen har ein sjeldan god aroma og passer spesielt godt til ost, yoghurt, pannekaker og liknande.

Nok ein spesialitet:

Tavlehonning. Biene fyller honningen direkte i spesielle boksar som er klar for servering anten åleine eller f.eks på ost.....

Bie på Sørbøk

Under matfestivalen i Bergen 2008 vart vår nyrørde "Lynghonning frå Øygarden" kåra til beste produkt frå land, sjå:

www.detnorskemaltid.no.


Lynghonningen vår er til vanleg av ekstra god kvalitet bl. anna grunna mykje fin lyngmark som biene samlar nektar av i Øygarden

Med direkte slynging av handskrella lyse honningtavler, god siling og grundig røring, held denne honningen den friske smaken frå våre kystlyngheier. Klokke og Purpurlyng som det stort sett kvart år gir noko nektar., gjev honningen ein spesiell god smak, og ein mjuk konsistens.